Íslenski ferðavefurinn

  • endursetja

Fjallabak nyðra Landmannaleið

Hekla
Hekla

The map ID you have entered does not exist. Please enter a map ID that exists.

Skaftfellingar nefna þessa leið Fjallabaksveg og telja það eldra og réttara. Hún liggur á milli Landsveitar og Skaftártungu norðan Heklu og Torfajökuls. Þetta er einhver litskrúðugasta og fjölbreyttasta hálendisleið landsins. Í þurrkatíð er hún akfær flestum bílum, en þó er betra að hafa fjórhjóladrifið við höndina. Frá Sigölduvirkjun liggur 26 km löng leið suður í Landmannalaugar. Sé hin rétta Fjallabaks- eða Landmannaleið ekin upp úr Landsveit til austurs, er haldið upp Sölvahraun og beygt til hægri við vegprestinn, sem segir Dómadalsleið.

Þá er ekið á milli Hekluhrauna og hlíða, um Lambahraun, yfir óbrúaðar sprænur, um Kringlu og Dómadal. Þá kemur Frostastaðavatn, þar sem leiðin kvíslast í þrjár áttir. Til vinstri liggur leiðin að Sigöldu, beint áfram að Ljótapolli og til hægri til Landmannalauga eða áfram austur í Skaftártungu. Jökulgilskvísl, sem var versti farartálminn á leiðinni var brúuð. Austan hennar er ekið um Kýlinga, við rætur Kirkjufells, um Illagil og Jökuldali að Hörðubreiðarhálsi. Þar opnast útsýnin til austurs yfir Eldgjá og Lakagíga á Síðuafrétti. Einnig sést til Langasjávarsvæðisins, Fögrufjalla og Tungnárfjalla og inn á Vatnajökul vestanverðan. Síðan er haldið niður í Eldgjá, yfir Syðri-Ófæru og niður Skaftártungu.

Skálar eru víða á leiðinni, s.s. í Landmannahelli, Landmannalaugum, Kýlingum og Hólaskjóli. Það er óhætt að fullyrða, að þessi landshluti lætur engan sem um hann fer, ósnortinn.

Fjallaskálar Útivist:
Utivist Alftavotn hut
Utivist Mountain Hut Skaelingar
Utivist Mountain hut Strutur
Utivist Mountain Hut Sveinstindur
Utivist Mountain Hut – Dalakofinn

Myndasafn

Í grend

Dómadalsleið
Dómadalsleið er vestasti hluti hinnar gömlu Landmannaleiðar, sem er tíðast kölluð Fjallabaksleið nyrðri. Hún liggur austur úr Sölvahrauni ...
Friðland að Fjallabaki
Friðland að Fjallabaki Þetta friðland var stofnað 1979. Það nær yfir 47 km² lands og er ofar 500 m hæð yfir sjó. Svæðið er fjöllótt ...
Frostastaðavatn
Frostastaðavatn er að mestu umgirt hraunum, Dómadalshraun að vestan, Námshraun að sunnan ogað norðan. Vatnið og umhverfi þess er ægifagurt. ...
Landmannahellir
Landmannahellir er í móbergsfellinu Hellisfjalli sunnan Löðmunds og vestan Löðmundarvatns. Hann er 4 m hár, 8 m breiður og 14 m langur. Ferða ...
Landmannalaugar
Landmannalaugar eru í kvos á milli brattra fjalla við háa og dökka brún Laugahrauns. Undan hrauninu spretta margar heitar og kaldar lindir, sem ...

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )