Staðarskáli N1 þjónustumiðstöð við botn Hrútafjarðar annast þjónustu fyrir 
ferðamenn. Árið 2008 varð sú breyting á veglínu að gamli skálinn fór úr alfaraleið og því var byggður nýr þar sem mætast hringvegurinn og vegurinn norður á Hólmavík og Strandir og til Norðurland vestra. Veitingarekstur í Staðarskála á sér hart nær 50 ára sögu. Skálinn hefur um áraraðir gengt mikilvægu þjónustuhlutverki á þjóðleiðinni milli Norður- og Vesturlands og starfsemi fyrirtækisins hefur haft mikil áhrif á ferðamál í Húnaþingi og víðar.
Hjónin Magnús Gíslason (F 16. mars 1937. D 16. 23 júlí 1994) og Bára Guðmundsdóttir, ásamt Eiríki bróður Magnúsar, stofnuðu Staðarskála árið 1960. Þá hafði olíusala verið á staðnum um árabil. Það er nú N1 sem rekur Staðarskála og í nýja húsnæðinu er líkt og í því eldra verslun, veitingastaður og bensínafgreiðsla.
Staðarskáli tilheyrir nú Strandasýslu, en áður Vestur-Húnavatnssýslu, sjá Staðarkikja.
Mjög stutt er í eina af þekktustu laxveiðiá landsins, Hrútafjarðará, en einnig býðst veiði í vötnum og öðrum ám í nágrenninu og ferðir í veiðivötnin á Arnarvatnsheiði.
Vegalengdin frá Reykjavík er um 160 km.
