Hvammstangi við Miðfjörð er eina kauptúnið í Vestur-Húnavatssýslu, aðeins 7 km frá hringveginum. Íbúarnir annast þjónustu við nágrannabyggðarlögin og bændur í héraðinu. Þarna hefur verið verzlunarstaður síðan 1846. Smám saman byggðist upp útgerð var (aðallega rækja) og fiskverkun. Íbúarnir hafa sýnt mikinn dugnað við uppbyggingu fjölbreyttrar ferðaþjónustu, sem fer sívaxandi ár frá ári. Ásamt náttúruskoðun almennt, er lögð mikil áherzla á sela- og fuglaskoðun. Sívaxandi fjöldi ferðamanna staldrar við á Hvammstanga til að njóta fagurrar og friðsællar náttúru Vatnsnessins, sem er ekki eins langt úr alfaraleið og margir halda. Ferð um Vatnsnes ber fortíðinni og náttúruöflunum þögult vitni.
Árið 2006 var Selasetur Íslands opnað við hátíðlega athöfn (26. júní) eftir mikið starf ósérhlífinna sjálfboðaliða og frumkvöðla. Það er menningarauki fyrir gesti að líta þar inn.
Vegalengdin frá Reykjavík er um 195 km.
Vængir:
Flugfélagið Vængir starfaði á árunum 1970 til 1979. Það stundaði áætlunar- og leiguflug aðallega til staða á vesturlandi (Búðardals, Stykkishólms, Rifs og Reykhóla), vestfjörðum (Tálknafjarðar, Bíldudals, Þingeyrar, Flateyrar, Hólmavíkur og Gjögurs) og á norðurlandi (Hvammstanga Miðfjörður), Blönduóss, Siglufjarðar og Mývatns). Í flugflota Vængja voru flugvélar af ýmsum gerðum m.a. Beechcraft 18 og Piper PA-23 Apache. Vængir varð fyrsta flugfélagið hérlendis til að taka í notkun flugvél af gerðinni BN-2a Islander (1971) og fyrsta félagið hérlendis til að taka í notkun DHC-6 Twin Otter (1973).
Það er ekki annað flugfélag hér sem hefur flogið til fleiri áfangastaða á Íslandi en Vængir eða 11 staða !!!
Innskot Birgir Sumarliðason flugstjóri og um tíma flugrekstarstjóri Vængja og heldur um vefinn nat.is.
