Búðardalur er kauptún við innanverðan Hvammsfjörð. Þar er miðstöð þjónustu við landbúnað í 
Dalasýslu og víðar. Fyrsta íbúðarhúsið var reist í Búðardal 1899 og var fólksfjölgun þar hæg fram eftir öldinni. Þar er nú nútímalegt mjólkursamlag, sem hefur verið í fararbroddi hvað varðar nýjungar í gerð hinna ýmsu mjólkurafurða og eru t.d. ostar þaðan sérstaklega eftirsóttir. Elzta yfirbyggða sundlaug landsins var 12 km. frá Búðardal, að Laugum í Sælingsdal, en þar er einnig hótel, sem er opið allt árið. Gamla laugin var rifin og ný og glæsileg innilaug var reist.
Mikið er um ár og vötn í Dalasýslu sem bjóða upp á mikla fjölbreytni í veiðiskap og ætti hver veiðimaður að finna þar eitthvað við sitt hæfi. Fuglalíf er fjölbreytt við Saurbæ, norðan Búðardals. Við háfjöru þar verða eftir fallegar tjarnir, þar sem tína má skeljar og söl.
Vegalengdin frá Reykjavík er um 150 km.
