Ólafsdalsá er í Saurbæjarhreppi í Dalasýslu og er fremur stutt og vatnslítil með upptökin í hálendinu. Að 
norðan kemur til hennar Hvarfdalsá, en að sunnan Lambadalsá, komin úr 500 metra hæð úr Lambadalsvatni, Ólafsdalsá (Ólafsdalur) rennur í sunnanverðan Gilsfjörð. Umhverfið er mjög breytilegt frá malareyrum í gróið land.
Hvolsfjall, 600 m hátt, gnæfir yfir botni dalsins þar sem landslagið er stórbrotið. Þjóðvegur liggur yfir neðanverða ána en ganga þarf að flestum veiðistöðum, sem eru margir og dreifðir. Í Ólafsdalsá er sjógengin bleikja ekki mjög stór en því betri á bragðið.
Vegalengdin frá Reykjavík er um 195 km og u.þ.b. 45 km frá Búðardal
