Íslenski ferðavefurinn

  • endursetja

Hjörleifshöfði

Hjörleifshöfði er 221 m hátt móbergsfell á Mýrdalssandi suðvestanverðum.

Samkvæmt Landnámu var þar fjörður fyrrum með botn við höfðann. Eftir að komið var fram á 14. öld hafði þessi fjörður fyllzt af framburði af völdum Kötluhlaupa. Nú er vegalengdin frá höfðanum til sjávar 2-3 km. Þar heitir Kötlutangi, syðsti hluti Íslands.

Fóstbróðir Ingólfs Arnarssonar, fyrsta landnámsmannsins, hét Hjörleifur Hróðmarsson. Þeir urðu samferða til Íslands frá Noregi en bar hvorn frá öðrum, þannig að Ingólfur hafði vetursetu á Ingólfshöfða í Öræfum en Hjörleifur á Hjörleifshöfða. Næsta vor drápu þrælar Hjörleifs hann og frjálsa menn hans og flúðu á skipi til Vestmannaeyja með kvenfólkið. Þar fann Ingólfur þá og kom þeim fyrir kattarnef. Hjörleifshaugur er sagður vera uppi á höfðanum.

Búið var á höfðanum fram á 20. öldina. Bærinn var niðri á söndunum vestan höfðans, þar sem voru tún og engjar á svokölluðum Bæjarstað. Katla eyddi honum 1721 og síðan var byggt uppi, þar sem lítið var um heytekju en beitland var gott. Fyrrum var sigið eftir fugli ár hvert, þegar 17 vikur voru af sumri. Lítið er gert af því nú, en samt þykir mörgum Mýrdælingum enn þá gott að narta í fýlsunga.

Gönguleiðin upp Höfðann vestanverðan sunnantil er létt og vel þess virði að kíkja á rústir bæjarins þar og njóta útsýnisins á góðum degi.

Kötlutangi sunnan Hjörleifshöfða er syðsti oddi Íslands. Hann hefur myndazt við Kötluhlaup, síðast árið 1918, þegar rúmlega 2 km bættust við hann, þar sem var áður 20 faðma dýpi. Síðan hefur saxazt á hann og Dyrhólaey kynni að fá hlutverk sitt aftur.

Myndasafn

Í grend

Álftaver
Álftaver er lítið og flatlent landsvæði austan Mýrdalssands og sunnan Skálmar (á leið til Kúðafljóts).  Ofan byggðar eru þyrpingar gerv ...
Dyrhólaey
Dyrhólaey er 120 m hár höfði, þverhníptur að vestan og sunnan. Stórt gat er í gegnum syðsta hluta höfðans. Stórir bátar geta siglt í ge ...
Hafursey
Hafursey er móbergsfell á Mýrdalssandi norðanverðum. Það skiptist um Klofgil og vesturhlutinn er nefndur Skálarfjall (582m) og hæst ber Kistu ...
Heiðarvatn
Heiðarvatn er í Mýrdal, 200 ha að stærð og dýpst 30 m. Vatnsá rennur úr því í Kerlingadalsá, sem fellur til sjávar austan við Vík. Sny ...
Höfðabrekka
Höfðabrekka er austasti bær í Mýrdal, næstur Mýrdalssandi. Þar var fyrrum kirkjustaður og stórbýli. Reyndar er þar stórbýli enn þá, en ...
Höfðabrekkutjarnirnar
Höfðabrekkutjarnirnar eru þrjár og frekar litlar með millirennsli. Þær eru rétt við bæinn og örstutt á milli þeirra. Fjöldi veiðileyfa ...
Katla
Katla er eldstöð (1450m) í suðaustanverðum Mýrdalsjökli, venjulega hulin jökli. Hún hefur venjulega gosið á 40 - 80 ára fresti. Brýzt hú ...
Kerlingardalur
Kerlingardalsá rennur um dalinn úr fjöllunum norðaustan Víkur. Líklega hefur Kerlingarfjörður gengið inn í fjöllin til forna. Galdra-Héði ...
Kúðafljót
Jökulmóðan Kúðafljót er samsafn fjölda vatnsfalla af stóru vatnasvæði á Suðurlandi. Aðalfljótið er Skaftá, sem rennur úr Langasjó og ...
Mýrdalur
Mýrdalur er vestasta sveit V.-Skaftafellssýslu og hin syðsta á landinu. Mörk hennar eru Mýrdalssandur í austri og Sólheimasandur í vestri. Sv ...
Reynishverfi
Garðar í Reynishverfi er syðsta býli á íslandi. Vestan þess er eyðibýðið Hellur, þar sem eru nokkrir hellar í móbergsklöppunum. Einn þ ...
Vatnsá – Kerlingadalsá
Lítil spræna, sem kemur úr Heiðarvatni í Mýrdal og fellur í Kerlingardalsá, jökuldrullu, sem á upptök í Mýrdalsjökli. Vatnsá er stutt, ...

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )