Íslenski ferðavefurinn

  • endursetja

Kerlingardalur

Kerlingardalsá rennur um dalinn úr fjöllunum norðaustan Víkur. Líklega hefur Kerlingarfjörður gengið inn í fjöllin til forna. Galdra-Héðinn bjó að Kerlingardal á söguöld. Heiðnir menn báðu hann að granda kristniboðanum Þangbrandi. Hann komst af, þegar jörðin sprakk undan fótum hans austan dalsins, en hestur hans hvarf í jörðu.

Kári Sölmundarson og Þorgeir skorargeir börðust við 15 brennumenn á bökkum árinnar. Þeir drápu fimm en 10 komust undan á flótta. Það er bílfært inn yfir Höfðabrekkuheiði að gamla brúarstæðinu við Múlakvísl.

Þótt hægt sé að aka upp dalinn og heiðarnar eftir gamla þjóðveginum, mælir margt með gönguferð um þessar slóðir, því margt fer fram hjá þeim, sem fara of hratt yfir.

Kerlingadalur.gif (23245 bytes)

Myndasafn

Í grend

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )