Íslenski ferðavefurinn

  • endursetja

Flókalundur Bránslækur

flokalundur-brjanslaekur

Flókalundur er í Vatnsfirði á Barðaströnd. Það er óhætt að fullyrða, að þetta svæði sé meðal hinna allrafegurstu á landinu og landið allt víði vaxið. Það er friðað að hluta síðan 1975. Vatnsfjörður er þekktur úr sögunni vegna landgöngu Hrafna-Flóka, sem gaf landinu nafnið, sem festist við það. Þjónusta við ferðamenn er í örum vexti og stendur margt í boða og m.a. veiði í Vatndalsvatni og Vatndalsá og kajakaferðir á firðinum. Í utanverðum Vatnsfirði að vestan er hið forna höfuðból og kirkjustaður Brjánslækur, viðkomustaður ferjunnar Baldurs. Skammt ofan við Brjánslæk er Surtarbrandsgil, friðlýst náttúruvætti. Þar eru steingerðar plöntuleifar frá hlýskeiðum ísaldar. Bjarni Pálsson og Eggert Ólafsson veittu staðnum athygli og lýstu honum um miðbik 18. aldar.

Hellulaug er undir klettum niðri í fjöru neðan eyðibýlisins Hellu, rétt við Flókalund. Hún er grjóthlaðin og steypt, um 4 x 3m og 50-70 sm djúp. Vatnið rennur úr borholu uppi á klettinum á svipuðum stað og gamla Hellulaugin var. Vatnið í lauginni er 38°C og sýrustigið (pH) 9,96. Gestir eru beðnir um að ganga vel um laugina.

Krossholt er þéttbýliskjarni við Hagavaðal skammt vestan Brjánslækjar í landi Kross. Sundlaug var byggð árið 1948 á Krossholtum. Félagsheimilið Birkimelur var vígt 1962. Þarna er grunnskóli með átta bekkjum og útibú frá kaupfélagi Barðstrendinga. Hitaveita er á Krossholti.

Vegalengdin milli Reykjavíkur og Flókalundar er 341 km um Hvalfjarðargöng en 159 km styttri, ef siglt er með Baldri milli Stykkishólms og Brjánslækjar.

 

Myndasafn

Í grend

Gönguleiðir á Hálendinu
HELSTU GÖNGULEIÐIR Á HÁLENDINU Hellismannaleið Landmannal.-Rjúpnav Landmannalaugar Þórsmörk Fimmvörðuháls Þórsmörk Hóla ...
Hrafnseyrarkirkja
Hrafnseyrarkirkja er í Þingeyrarprestakalli í Ísafjarðarprófastsdæmi. Á Hrafnseyri var kirkja, helguð   Maríu guðsmóður og Pétri postu ...
Hrafnseyri
Bær og kirkjustaður og fyrrum prestsetur í Auðkúluhreppi við norðanverðan Arnarfjörð. Bærinn stendur allhátt í hvammi, svo að útsýni e ...
Kirkjur á Vestfjörðum og Ströndum
Listi yfir flestar kirkjur landshlutans Álftamýrarkirkja ...
Vatnsdalsvatn
Vatnsdalsvatn er í samnefndum dal inn af Vatnsfirði á Barðaströnd. Það er í 8 m hæð yfir sjó og 2,4 km². Það er óhætt að fullyrða, a ...
Vatnsfjörður
Fjörður, um 9 km langur, vestan Hjarðarness. Vatnsfjörður er breiður í mynni og þrengist innar. Í miðju   fjarðarmynninu er Engey, allhá ...
Veiði Vestfirðir
Stangveiði á Vestfjörðum. Hér er listi yfir flestar laxveiðiár og silungsár og -vötn. Laxveiði Vestfjörðum Geiradalsá ...

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )