Dalvík er kaupstaður í mynni Svarfaðardals. Aðalatvinnuvegirnir eru útgerð, fiskvinnsla, iðnaður og 
verslun, en þjónusta við ferðamenn eykst sífellt. Skíðalönd eru við Dalvík og góð aðstaða er til skíðaiðkana í Böggvistaðfjalli. Hvalaskoðun, sjóstangaveiði og grillferðir á sjó eru í boði sem og önnur fjölbreytt afþreying. Áætlunarferðir eru á milli Árskógssands og Hríseyjar og frá Dalvík til Grímseyjar. Minja- og náttúrugripasafn er á Dalvík og eru þar tvær stofur helgaðar frægustu Dalvíkingunum, þeim Dr. Kristjáni Eldjárn, fyrrverandi forseta Íslands og Jóhanni Péturssyni – Jóhanni risa – en hann var með hæstu mönnum í heimi á sínum tíma. Hann lék í kvikmyndum og kom fram í ýmsum fjölleikahúsum, mest vestanhafs. Sumarið 1934 varð mikill jarðskjálfti – Dalvíkurskjálftinn – úti fyrir Eyjafirði, sem skemmdi eða ónýtti flest hús á Dalvík og nágrenni.
Dalvíkingar efna til hátíðarinnar „Fiskidaga” aðra helgi í ágúst ár hvert og gestum hefur fjölgað með árunum, urðu næstum 30.000 árið 2010 og svipað margir 2011. Og enn hefur fjölgað gestum þar til 2020. Eftir covid var Fiskidagurinn 2023 kominn aftur!!!
Fiskidagurinn mikli er ekki leyngur á dagskrá frá og með 2024.
Litli-Árskógssandur er um 10 km sunnan Dalvíkur. Þar hófst byggð í kringum 1880 og var fjölmennust um miðja 20. öldina. Þaðan heldur ferja uppi samgöngum við Hrísey og nokkrir bátar eru gerðir út í sambandi við fiskvinnslu.
Hauganes er nokkru sunnar, norðan Selárvíkur. Byggð hófst þar á svipuðum tíma og á Litla-Árskógssandi og jókst upp úr 1930. Hafnaraðstaða er góð og íbúarnir stunda útgerð, fiskvinnslu og ferðaþjónustu.
Vegalengdin frá Reykjavík er um 410 km. Þar er höfn Sævars, sem heldur uppi ferðum til og frá Hrísey.
