Hrísey er önnur stærsta eyjan við Ísland. Syðst á henni er lítið þorp, sem byggir afkomu sína af fiskveiðum, fiskvinnslu og ferðaþjónustu. Norðar er einangrunarstöð, m.a. fyrir gæludýr, en einnig var þar nautgripablendingar af Limosine, Aberdeen Angus og Galloway kynjum og er vinsælt hjá ferðamönnum að fara út í Hrísey og gæða sér á nautakjöti.
Allri einangrun dýra hefur verið hætt í Hrísey, en starfsemi af því tagi hefur verið í eynni í 40 ár, frá árinu 1975 og Hríseyjarkjötið hvarf af matseðlinum.
Eyjan er tilvalin til gönguferða og fuglaskoðunar. Allir fuglar eiga sér þar griðland og það er bannað að halda hunda og ketti í eyjunni. Tilraunir með skógrækt vítt og breitt og æðarvarp á norðurhluta eyjarinnar. Eyjan dregur til sín marga ferðamenn ár hvert og hafa margir eyjaskeggjar atvinnu þar af.
Hrólfssker er 4,5 sjómílum norðan Hríseyjar. Það er úr stuðlabergi, stendur 6 m.y.s. og á því er viti, sem var byggður 1951.
