Íslenski ferðavefurinn

  • endursetja

Mosfellsbær

Innan bæjarlands Mosfellsbæjar er mikið um jarðhita og því margar gróðurstöðvar á svæðinu. Frá 1933   hefur Mosfellsbær, þá Mosfellssveit, séð Reykvíkingum fyrir heitu vatni. Nóbelsverðlaunaskáldið Halldór Laxness (1902-1998) var heiðursborgari Mosfellsbæjar en hann bjó þar alla sína tíð og sótti hann efnivið í margar sögur sínar í Mosfellssveit. Mörg fyrirtæki í verzlun og iðnaði eru í bænum. Stærsta flugfélag landsins, Antlanta, hafði höfuðstöðvar sínar í bænum, þar til það fluttist til Reykjavíkur árið 2003 og síðar í Kópavog. Kjúklinga- og kalkúnarækt er í Mosfellsbæ og má segja að þar hafi verið unnið brautryðjendastarf hérlendis í fuglarækt og fara afurðinar á markað um allt land. Óspillt náttúra umlykur bæinn og býður upp á allt það helzta sem útivistarmenn sækjast eftir, s.s. fjallgöngur, fallegar og skemmtilegar gönguleiðir, góð skíðasvæði og veiði í ám og vötnum hvar silung og lax er að finna.

Stutt er til Þingvalla, höfuðborgin á báðar hendur og góðar samgöngur í allar áttir. Á 19. öld var hreppurinn stór og íbúar hlutfallslega margir. Þeir bjuggu á dreifðum býlum frá Elliðaám að Mosfellsheiði. Björn Þorláksson, smiður, kom upp tóvinnslu við Varmá árið 1896 og byggði íbúðarhús, sem er hluti elzta hússins í Mosfellsbæ. Þetta framtak þróaðist í ullar- og klæðaverksmiðju og íbúðahverfi starfsfólks byggðist. Sigurjón Pétursson, forstjóri Álafoss, kom upp aðstöðu til sundkennslu og íþróttaskóla. Íbúum hreppsins fækkaði til 1920 en þá voru þeir 268. Árið 1924 hófst ræktun í fyrsta gróðurhúsinu og nýting jarðhitans til ræktunar jókst, m.a. í landi Suður-Reykja og víðar. Byggð myndaðist í kringum þennan rekstur og íbúum fjölgaði á ný (373 árið 1930). Alþingi afhenti Reykjavík nokkrum sinnum hluta af landi hreppsins, þannig að hann minnkaði stöðugt (1923, 1929 og 1943; Elliðaár, Ártún, Árbær, Gufunes, Keldur, Korpúlfsstaðir o.fl. jarðir). Nokkur þúsund hermenn bjuggu í bröggum í Mosfellssveit í síðari heimsstyrjöldinni (frá Lágafelli að Suður-Reykjum og Hafravatni).
Nærvera þeirra hafði hvetjandi áhrif á atvinnulífið. Hersjúkrahús, sem Íslendingar tóku við eftir stríðið, var byggt við Amsterdamhver í landi Suður-Reykja. SÍBS reisti þar vinnuheimilið Reykjalund og notaði braggana á meðan á byggingu nýja hússins stóð.
Í upphafi Vestmannaeyjagossins 1973 fluttust margir Vestmannaeyingar til Mosfellshrepps. Árið 1970 var íbúafjöldinn 986 en fimm árum síðar voru þeir orðnir 1744. Sveitarfélagið fékk kaupstaðarréttindi árið 1987.

Ekki gleyma Laxnex

Eins og sjá hér að neðan, tengdar færslur er nat.is að reyna að halda jafnframt um gamlar og nýjar heimildir:

Myndasafn

Í grend

Golfklúbbur Bakkakots
Bakkakotsvöllur 270 Mosfellsbær Sími: 9 holur, par 35 gobskalinn@ Stofnfundur golfklúbbsins var haldinn undir berum himni 15. júní 1991. Brú va…
Gönguleiðir Höfuðborgarsvæðið
Gönguleiðir um Höfuðborgarsvæðið Gönguleiðir á Íslandi eru miklu fleiri en getið er um í þessari umfjöllun. Hérna er aðeins getið helztu leiðanna um H…
Höfuðborgarsvæðið, ferðast og fræðast
Mörk þessa svæðis eru hér dregin frá botni Hvalfjarðar og vestan Þingvallavatns til sjávar við rætur Reykjaness. Þéttbýlis- og merkisstaða innan svæði…
Mosfellskirkja
Mosfellskirkja í Mosfellsdal er í Mosfellsprestakalli í Kjalarnesprófastsdæmi. Hún var vígð 4. apríl 1965   af biskupi. Hún er gerð eftir teikningu Ra…
Veiði Höfuðborgarsvæði
Stangveiði á Höfuðborgarsvæðinu. Hér er listi yfir flestar laxveiðiár og silungsár og -vötn.  Laxveiði Höfuðborgarsvæðinu …

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )