Vopnafjörður er kauptún á austanverðum Kobeinstanga í innanverðum Vopnafirði, sem kauptúnið 
dregur nafn sitt af. Þar hefur verið verzlunarstaður frá fornu fari og nú eru fiskiðnaður og útgerð ásamt verzlun meginatvinnuvegirnir.
Sögusvið margra skáldsagna Gunnars Gunnarssonar er á heiðunum inn af firðinum og á aldarafmæli skáldsins árið 1989 var afhjúpaður minnisvarði um hann á Vopnafirði.
Góð og fjölbreytt afþreying er í boði fyrir ferðamenn á Vopnafirði og af mörgu er að taka. Tiltölulega stutt er í góðar laxveiðiár og veiðivötn og má t.d. nefna Hofsá, Selá. Vesturdalsá, og Heiðarvötn.
Gisti- og veitingaþjónusta er góð og reglulegar samgöngur eru á landi og í lofti til og frá stöðum á Norður- og Austurlandi, sem tengjast svo höfuðborgarsvæðinu.
Vegalengdin frá Reykjavík er um 620 km.
