Langisjór er 20 km langt og mest 2 km breitt stöðuvatn suðvestan Vatnajökuls milli Tungnárfjalla og 
Fögrufjalla. Flatarmál þess er 27 km², mesta dýpi er 75 m (9. dýpsta vatns landsins) og vatnsborðið er í 670 m.y.s.
Svo gott sem allt umhverfi vatnsins er gróðurlaus auðn og engar heimildir geta um vatnið fyrr en á seinni hluta 19.aldar. Margar eyjar eru í vatninu og landslag er stórbrotið. Afrennsli Langasjávar er um Útfall í Fögrufjöllum, rúma 3 km frá innri vatnsendanum. Þar fellur það það í fossi til Skaftár. Stórum fjórhjóladrifnum bílum er fært inn að og meðfram Langasjó norðanverðum um Tungnaárfjöll.
Fögrufjöll er u.þ.b. 20 km langur fjallgarður milli Skaftár og Langasjávar suðvestan Vatnajökuls. Hæst ber þau rúmlega 900 m.y.s. Fögrufjöll eru óvíða meira en 2 km á breidd, en mjög tindótt. Fjallgarðurinn er víða snarbrattur niður að Langasjó, en óvíða að Skaftá. Þarna eru mosateygingar og gróðurblettir á dreif. Nokkur lítil og djúp stöðuvötn eru milli hnjúkaraðanna.
Veiði í Langasjó : Þar er mikið að bleikju frá 1-5 pund og góð aðsaða fyrir veiðimenn í fjallaskála.
Langasjávarsvæðið verður verndað og nú hluti Vatnajökuls þjóðgarðsins.
