Gönguleið Herðurbreiðarlindir Svartárkot
Gönguvegalengdin er u.þ.b. 100 km. Eini alvarlegi farartálminn er vatnsskortur á leiðinni, þannig að verður að gæta þess að taka með sér nægt vatn til dagsins.
Fyrsti áfanginn milli Herðubreiðarlinda og Bræðrafells er 17-19 km langur. Þar er skáli, sem rúmar 12 manns.
Annar áfangi nær til Drekagils í Dyngjufjöllum, 18-20 km. Þar er skálinn Dreki.
Þriðji áfangi nær til Dyngjufjalladals um Drekagil, yfir Dyngjufjöll að Víti og Öskjuvatni og síðan um Jónsskarð að skálanum, 19-20 km.
Síðasti áfangi nær til Suðurárbotna, 22-24 km um hraun og eyðisanda.
Sannir göngumenn skilja aðeins sporin sín eftir og taka aðeins með sér minningarnar!
Nánari upplýsingar er að finna í kveri Páls Ásgeirs Ásgeirssonar, „Gönguleiðir, Herðubreiðarlindir – Svartárkot“.
Herðubreiðarlindir Bræðrafellsskáli Dreki Dyngjufjallaskáli Suðurárbotnar
