Íslenski ferðavefurinn

  • endursetja

Snæfellsjökull

Snæfellsjökull (1446m) er meðal formfegurstu jökla landsins. Flatarmál hans hefur minnkað mikið,  að vart er meira eftir en u.þ.b. 7 km². Hann hvílir á keilulaga eldfjalli, sem hefur ekki gosið síðustu 1800 árin og umhverfis það eru nokkur hraun og fallegir gígar frá nútíma. Sum hraunanna hafa runnið í sjó fram og styrkt yzta hluta Snæfellsness gegn ágangi sjávar. Gosin í Snæfellsjökli eru talin hafa verið bæði sprengigos og hraungos, eins og glögglega má sjá í hlíðum fjallsins.

Gígur þess er u.þ.b. 200 metra djúpur. Hann er fullur af ís og umhverfis hann eru íshamrar. Hæstu hlutar hans eru kallaðar Jökulþúfur. Snæfellsjökull er auðveldur uppgöngu en það verður að gæta sín á sprungum á leiðinni. Stytzta leiðin er af Jökulhálsi og útsýnið er frábært af jöklinum í góðu veðri. Eggert Ólafsson og Bjarni Pálsson gengu fyrstir á jökulinn árið 1754. Snjófell hf. á Arnarstapa hefur boðið snjósleða- og snjóbílaferðir á jökulinn.

Myndasafn

Í grend

Jöklar
Jöklar Íslands Jöklar landsins þekja rúmlega 11% af heildarfleti þess. Hinir stærstu eru á sunnanverðu landinu eða í miðju þess. Helzta ...
Jökulháls
Jökulháls er austan undir Snæfellsjökli.  Þar liggur leið milli Arnarstapa og Ólafsvíkur.  Hún liggur fyrst meðfram Stapafelli, sé lagt ...
Þjóðgarðurinn Snæfellsjökull
Rekja má aðdraganda að stofnun þjóðgarðs á utanverðu Snæfellsnesi rúmlega 30 ár aftur í tímann en   skriður komst fyrst á málið ha ...

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )