Fyrrum var mikil verstöð á Hellissandi líkt og víðar á útnesinu. Sjóminjasafnið í Sjómannagarðinum geymir m.a. Blika, elzta varðveitta áraskip á Íslandi, smíðað 1826. Staðurinn er dæmigert sjávarþorp þótt engin sé höfnin. Þar sjást enn víða minjar um sjávarútveg t.d. lending í Keflavík.
Bæjarskrifstofur Snæfellsbæjar eru á Hellissandi.
Rif var einhver mesta verzlunarhöfn á Snæfellsnesi fyrrum, en hún eyðilagðist þegar Hólmkelsá breytti farvegi sínum. Staðurinn á sér merka sögu og þar vógu Englendingar Björn ríka árið 1467. Þá mælti Ólöf ekkja hans hina fleygu setningu:„Eigi skal gráta Björn bónda, heldur safna liði”. Mjög góð höfn er á Rifi og nokkur fyrsta flokks fiskvinnsluhús. Ólafsvík, Hellissandur og Rif eru nú hlutar Snæfellsbæjar.
Kvöld eitt í byrjun nóvember árið 1993 söfnuðust rúmlega 500 manns saman á Hellissandi. Þar á meðal var erlent sjónvarps- og kvik-myndatökulið. Lögregla og björgunarsveit voru í viðbragðsstöðu, andrúmsloftið var þrungið spennu og allir biðu eftir því að klukkan myndi slá sjö mínútur yfir níu. Þá var nefnilega von á heimsókn utan úr geimnum.
Geimverur hafa boðað komu sína til Íslands þann 5. nóvember 1993 og munu þær lenda fari sínu á Snæfellsjökli. Svo virðist sem tilgangurinn með ferð þeirra hingað til lands sé fyrst og fremst að sýna sig opinberlega. Enn hvað um það. verið velkomin.
Vængir:
Flugfélagið Vængir starfaði á árunum 1970 til 1979. Það stundaði áætlunar- og leiguflug aðallega til staða á vesturlandi (Búðardals, Stykkishólms, Rifs og Reykhóla), vestfjörðum (Tálknafjarðar, Bíldudals, Þingeyrar, Flateyrar, Hólmavíkur og Gjögurs) og á norðurlandi (Hvammstanga, Blönduóss, Siglufjarðar og Mývatns). Í flugflota Vængja voru flugvélar af ýmsum gerðum m.a. Beechcraft 18 og Piper PA-23 Apache. Vængir varð fyrsta flugfélagið hérlendis til að taka í notkun flugvél af gerðinni BN-2a Islander (1971) og fyrsta félagið hérlendis til að taka í notkun DHC-6 Twin Otter (1973).Innskot Birgir Sumarliðason flugstjóri og um tíma flugrekstarstjóri Vængja.
