Íslenski ferðavefurinn

  • endursetja

Grenivík

Grenivík

Grenivík er kauptún í Grýtubakkahreppi austan Eyjafjarðar og norðan Dalsmynnis. Samkvæmt Landnámu nam maður að nafni Þormóður land á þessum slóðum. Kaldbakur er á aðra hönd en Þengilhöfði á hina og láglendið Höfðahverfi frá víkinni suður að Fnjóská er þéttbýlt og búsældarlegt. Ofan kauptúnsins er hólaþyrping gamalla ísaldarruðninga. Þegar á öðrum áratugi 20. aldar var komin byggð á Grenivík og 15-20 hús árið 1935. Þarna lifði fólk af sjó og landi en erfitt var um vik á veturna, því að hafnarskilyrði voru bág. Reynt var að reka lifrarbræðslu 1930-1940 en hún bar sig illa. Höfn var ekki gerð fyrr en árið 1965 og þá fjölgaði íbúum í kjölfarið. KEA rak sláturhús frá árinu 1916 og verzlun frá 1930. Grenivíkursókn er þjónað frá Laufási.

Dalsmynni tengir Eyjafjörð við Fnjóskadal skammt norðan Laufáss og sunnan Grenivíkur. Það er skarð, sem Fnjóská hefur breikkað og beggja vegna þess eru 800-1000 m há fjöll. Fossarnir í ánni voru gerðir laxgengir. Á veturna var Dalsmynni oft eina færa leiðin milli landshluta, en þó verður að gefa snjóflóðahættu gaum. Eftir Vaðlaheiðargöng er önnur leið milli landshluta.

Vegalendin frá Reykjavík er u.þ.b. 420 km um Hvalfjarðargöng.

Myndasafn

Í grend

Akureyri
Akureyri er stærsti kaupstaður landsins utan höfuðborgarsvæðisins. Þessi fallegi bær kúrir í fallegum ramma innst í Eyjafirði vestanverðu ...
Flateyjardalur
Leiðin í Flateyjardal liggur um allt að 220 m háa Flateyjardalsheiði frá norðanverðum Fnjóskadal. Þessi leið er einungis jeppafær að suma ...
Húsavík
Húsavík er kaupstaður við innanverðan Skjálfanda að austanverðu. Fiskvinnsla og útgerð hefur verið ein  af stoðum atvinnulífisins ásamt ...
Í Fjörðum
Kaldbakur er hátt og tignarlegt fjall við austanverðan Eyjafjörð, eitt hinna mörgu tilkomumiklu fjalla á  milli Eyjafjarðar og Skjálfandafl ...
Kaldbakur
Kaldbakur gnæfir yfir landslaginu austan Eyjafjarðar. Hann er ævinlega snævi þakinn. Við rætur hans er  Látraströnd, sem var tiltölulega þ ...
Laufás
Prestssetrið og kirkjustaðurinn Laufás stendur sunnan við Dalsmynni, þar sem Fnjóská rennur til sjávar. Austan bæjar er Laufáshnjúkur og fr ...

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )