Þetta er lítil spræna innan borgarmarka Reykjavíkur. Hún er frárennsli Hafravatns og fellur hún til sjávar fyrir norðan Grafarvog. Neðarlega í henni eru fossar, en áin er róssi ofar. Úlfarsá, sem einnig er oft kölluð Korpa, stytting úr Korpúlfsstaðaá, er góð laxveiðiá.
Í henni er veitt með tveimur dagsstöngum og er alvanalegt að veiðin þar á einu sumri hlaupi á bilinu 250 til 450 laxar. Það er talsverð sveifla, en hvort heldur er lægri talan eða sú hærri, þá er veiði lífleg. Laxinn er smár í ánni, eða í stíl við vatnsmagnið.
