Héðinsfjarðarvatn er í 5-6 km löngum og 1 km breiðum og grösugum dal, sem var í byggð fram til 1857. 
er 1,7 km² í 3 m hæð yfir sjó. Vestan dalsins er Hestfjall, þar sem DC-3 flugvél Flugfélags Íslands fórst 29. maí 1947 og með henni farþegar og áhöfn, 25 manns. Auðveldasta leiðin til Héðinsfjarðar var á sjó (35-45 mín. frá Siglufirði), ella er yfir há fjallaskörð að fara með allt á bakinu. Slysavarnarskýli er í Héðinsfirði.
Með komu Héðinfjarðaganga er nú auðvelt að nálgast vatnið.
Veiðifélag Héðinsfjarðar hefur verið með vatnið á leigu.
Það er dálítil vatnableikja og mikil og væn sjóbleikja í vatninu, 1-5 pund. Hún gengur í það síðla sumars. Mikið dýralíf er við vatnið og fuglar spakir. Sögur eru til af rebba, sem hefur heimsótt veiðimenn alls óhræddur og sótt sér fisk fyrir lítið. Þetta vatn var ekki mikið stundað, en á þó sína áhangendur, sem sækjast eftir friði og góðri veiði.
Eftir komu Héðinsfjarðargöng er vatnið mikið stundað.
Veiðihús er við norðurenda vatnsins.
