Haukadalsheiði í Biskupstungum
Svæðið norðan Haukadals í Biskupstungum, allt inn að Sandvatni og Fari, ber þetta nafn, Haukadalsheiði. Fyrrum var gróðri vaxin með mýrum og mólendi. Síðustu tvær aldirnar hefur það orðið auðnin ein, allt fram á brúnir Haukadals. Þar hefur verið unnið mikið starf við uppgræðslu síðustu áratugina. Árangurinn er farinn að koma í ljós og að mestu er hætt að bera á hinum mikla rykmekki, sem hvassar norðaustanáttir ollu.
Um heiðina liggur hluti hins svokallaða „línuvegar”, sem hefst við Brunna á Kaldadalsleið og endar niðri í Haukadal eða á Kjalvegi norðan Gullfoss.
Gönguleið upp á heiðina hefst í Skógræktinni í Haukadal. Þegar upp er komið, er hægt að halda alla leið að Hagavatni, út á Kjalveg í austri eða að Brunnar í vestri.
