Íslenski ferðavefurinn

  • endursetja

Ásbyrgi

Ásbyrgi

Ásbyrgi er stórkostleg náttúrusmíð með allt að 100 m háum hamraþiljum, sem hækka eftir því, sem innar kemur í gljúfrið. Innst er Botnstjörn með mikilli grózku allt um kring. Það er 3,5 km langt og um 1,1 km breitt. Í miðju þess er standberg, Eyjan, sem er allt að 250 m breið. Byrgið er skógi vaxið, einkum birki og víðir auk reynis og nokkur þúsund barrtré voru gróðursett þar og dafna vel. Fýllinn verpir í þvernhíptum hömrunum.

Talið er, að Ásbyrgi hafi myndazt við tvö hamfarahlaup, annað fyrir 8-10 þúsund árum en hið síðara fyrir u.þ.b. 3 þúsund árum. Síðan hefur Jökla fært sig til austurs. Þjóðsagan segir, að hinn áttfætti hestur Óðins, Sleipnir, hafi stigið þar niður fæti, þegar goðið var á yfirreið. Ásbyrgi er hluti þjóðgarðsins í Jökulsárgljúfrum, nú Vatnajökulsþjóðgarðs, en var áður í umsjá Skógræktar ríkisins.

Vegur liggur alla leið inn í botn Ásbyrgis. Upplýsingamiðstöðin í Asbyrgi var opnuð 19. apríl 2007. Einar Benediktsson orti fallegt kvæði um það, „Sumarmorgunn í Ásbyrgi”.

Eftir stofnun þjóðgarðsins Vatnajökuls, hinn 7. júní 2008, var opnuð gestastofa Vatnajökulsþjóðgarðs í Ásbyrgi.

Upplýsingamiðstöð Vatnajökulsþjóðgarðs í Ásbyrgi.
Sími.: 470-7100
asbyrgi@vip.is

Myndasafn

Í grend

Kópasker
Kópasker er kauptún við austanverðan Axarfjörð (Öxarfjörð) og eini þéttbýliskjarninn í Öxarfjarðarhreppi. Þarna var löggildur verzlun ...
Þjóðgarðurinn í Jökulsárgljúfrum
Þjóðgarðurinn í Jökulsárgljúfrum var stofnaður árið 1973. Hann nær yfir u.þ.b. 150 km² og 35 km langt   svæði meðfram gljúfrasvæ ...

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )