Íslenski ferðavefurinn

  • endursetja

Vatnahjallavegur

vatnahjallavegur

Vatnahjallavegur er líka nefndur Eyfirðingavegur. Hann var alfaraleið til Suðurlands upp úr Eyjafirði. Þá var haldið upp skammt norðan við Úlfá, fremsta bæinn, sunnan Hafragils. Neðst í brekkunum er Hákarlatorfa og uppi á brúninni, á hinum eina og sanna Vatnahjalla, er varðan Sankti Pétur. Þarna uppi tekur við stórgrýttur og seinfær vegur meðfram Urðarvötnum. Þá tóku Eystri-Pollar við, Austari-Jökulsá og Vestari-Pollar á Hofsafrétti. Þaðan var stefnan tekin á Ásbjarnarvötn, meðfram Eyfirðingahólum, Strangakvísl vaðin, yfir Guðlaugstungur og Svörtutungur sunnanverðar. Vaðið á Blöndu var neðan norðurenda Kjalhrauns, norðan Blöndutjarnar. Þaðan var tekin bein stefna á Gránunes á Kjalveg.

Fyrrum, þegar jöklar voru minni, lá leiðin síðan af Kjalvegi um Hvítárnes, meðfram Hvítárvatni og upp Skálpanes yfir Bláfellsháls. Eftir að jöklar fóru að sækja fram varð þessi leið ófær og þá var farið á vaði yfir Hvítá skammt neða Hvítárvatns og yfir Bláfellsháls. Síðan var haldið áfram meðfram Jarlhettum og sunnan Hlöðufells, milli Kerlingar og Tindaskaga sunnan Skjaldbreiðar og austan með Miðfelli um Goðaskarð niður á Hofmannaflöt. Leiðin kvíslaðist annars víða, þegar komið var suður fyrir fjöll eftir því hvert menn áttu erindi á Suðurlandinu.

Eyfirðingar áttu oft erindi suður, m.a. til að sækja skreið og til Alþingis, og jafnvel að vetrarlagi. Árið 1939 stóð Ferðafélag Akureyrar fyrir vegabótum upp Vatnahjallann en þessi vegur kom að litlu gagni vegna þess, hve snjóa leysir seint í fjallinu. Þó mun hann hafa verið ekinn einstaka sinnum inn að Laugafelli. Þá tók við vegur um Hólafjall, sem er allt að 1000 m.y.s., u.þ.b. 200 m hærri en um Vatnahjalla. Hann lagðist af, þegar ruddur var vegur beint suður úr Eyjafjarðardal.

Myndasafn

Í grennd

Akureyri
Akureyri er stærsti kaupstaður landsins utan höfuðborgarsvæðisins. Þessi fallegi bær kúrir í fallegum  ramma innst í Eyjafirði vestanverðum og einhver…
Ásbjarnarvötn
Ásbjarnarvötn eru í Lýtingsstaðahreppi í Skagafjarðarsýslu. Þau eru skammt norðan Hofsjökuls og  Hofsafrétti. Þau eru 1,2 km², fremur grunn og í 776 m…
Kjölur
Kjölur er svæðið milli Langjökuls í vestri og Hofsjökuls í austri, Hvítár í Suðri og Seyðisár og í norðri.  Hvítár liggur leiðin um Bláfellsháls. Frá …
Laugafell-Laugafellshnjúkur
Laugafell og Laugafellshnjúkur (892 og 987 m) eru norðaustan Hofsjökuls og sjást víða að. Hnjúkskvísl fellur á milli þeirra en Laugakvísl norðan við f…
Sögustaðir Hálendinu
Ýmsir staðir tengdir sögu landshlutans Sögustaðir. Nýjar og gamlar Hálendisleiðir, útilegumenn, þjófar og draugar eru meðal þess sem finna má á sö…
Stórisandur
Stórisandur er hæðótt og lítt gróið svæði í 700-800 m hæð yfir sjó norðan Langjökuls í Vestur-Húnavatnssýslu. Nánar tiltekið er hann milli Arnarvatnsh…

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )