Íslenski ferðavefurinn

  • endursetja

Selvík

Selvík er bezti lendingarstaður Skagafjarðarmegin á Skaga. Rústir verbúða eru greinilegar á Selnesi við víkina norðanverða. Þýzkaleiði gefur til kynna komur þýzkra kaupmanna á öldum áður og um aldamótin 1900 stóðu kaupmenn á Sauðárkróki fyrir talsverðri verzlun og fiskverkun þar. Um tíma voru uppi áætlanir um að gera Selvík að aðalútflutningsstað fyrir lifandi búfénað á Norðurlandi. Samnefndur bær er á Selnesi.

Kolbeinn ungi Arnórsson fór þaðan með 400 manna flota sinn á Jónsmessunótt 1244 til Vestfjarða, þar sem hann ætlaði að finna Þórð kakala fyrir. Samtímis var Þórður á leið yfir Húnaflóa úr gagnstæðri átt og hittust þeir á leiðinni, þar sem mikil sjóorrusta hófst. Kolbeinn hafði betur.

Myndasafn

Í grend

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )