Íslenski ferðavefurinn

  • endursetja

Flugsafn Íslands

Upphaf Flugsafnsins

Flugsafnið var stofnað á Akureyri þann 1. maí 1999. Kveikjan að stofnun safnsins var skortur á skýlisrými fyrir einkaflugvélar á Akureyrarflugvelli. Skýli sem einkaflugmenn höfðu leigt fram til þessa var ekki lengur til afnota. Meðal flugvélanna voru dýrgripir úr flugsögunni sem ekki þótti fýsilegt að geyma undir beru lofti. Í næsta skýli við það sem einkaflugmenninnirnir höfðu haft til umráða voru geymdar gamlar svifflugur og önnur flugtæki sem lágu undir skemmdum vegna plássleysis. Var því ákveðið að stofna sjálfseignarstofnunina Flugsafnið á Akureyri, sem hefði það hlutverk að safna, varðveita og sýna muni og myndir sem tengdust flugi á Íslandi, sögu þess og þróun.

Stofnaðilar voru Air Atlanta, Flugfélag Íslands, Flugleiðir, Flugmódelfélag Akureyrar, Íslandsflug, Íslenska flugsögufélagið, Svifflugfélag Akureyrar og Vélflugfélag Akureyrar. Halldór Blöndal þáverandi samgönguráðherra sat stofnfundinn og áritaði stofnskjalið.

Strax eftir stofnun safnsins var gengið til samninga um leigu á flugskýli á Akureyrarflugvelli og það síðan keypt. Hafist var handa við að innrétta flugskýlið og koma fyrir aðstöðu á efri hæðinni fyrir sérsýningar. Á neðri hæðinni voru flugvélar og svifflugur en úr loftinu héngu minni flugvélar og flugmódel af ýmsum stærðum og gerðum. Í einu horninu var svo innréttað smíðaverkstæði fyrir safnið.

Velkomin ♦ Welcome!

Flugsafnið er opið á laugardögum frá kl. 13-16 til og með 30. apríl.
Einnig opið eftir samkomulagi.

The Icelandic Aviation Museum is open Saturdays from 1 to 4 pm until April 30th.
Also open by appointment.

Aðgangseyrir / Admission Fee:

Fullorðnir / Adults – 1500 kr.

Lífeyrisþegar og námsmenn /
Seniors and students – 1000 kr.

Hópar / Groups (10+) – 1000 kr.

Ókeypis fyrir börn yngri en 18 ára í fylgd með fullorðnum
Free admission for children younger than 18 accompanied by adults.

Heimild :
https://www.flugsafn.is/is

Myndasafn

Í grend

Akureyrarflugvöllur
Akureyrarvöllur var gerður á leirunum við ósa Eyjafjarðarár og tekinn í notkun í desember 1955.    var hann malarvöllur, sem var malbikaður 1967.  Fyr…
Akureyri
Akureyri er stærsti kaupstaður landsins utan höfuðborgarsvæðisins. Þessi fallegi bær kúrir í fallegum   ramma innst í Eyjafirði vestanverðum og einhve…

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )