Drangajökull er nyrstur, hinn fimmti stærsti jökla landsins og u.þ.b. 200 km² að flatarmáli. Skriðjöklar 
hans falla m.a. til Kaldalóns, norður á Hornstrandir og niður í Leirufjörð í Jökulfjörðum. Hæsti hluti hans er Jökulbunga (925m). Hljóðabunga (825m) og Hrolleifsborg (851m) eru þekkt kennileiti á jöklinum en um hann lágu alfaraleiðir, þegar Hornstrandir voru í byggð og Norðurstrandamenn áttu þar líka leið um forðum daga. Margir leggja leið sína um þessar slóðir í gönguferðum um Hornstrandir nú á dögum. Drangajökull teygist næstum eins nálægt sjávarmáli og Vatnajökull, en hann hopaði mjög á 20. öldinni. Heimamenn við Djúp segja hann hafa bætt við sig frá lokum 20. aldar og geri það enn í byrjun hinnar 21. Enginn annar íslenzkur jökull gerði það á sama tíma þegar þetta var ritað.
Fljótt skipast veður í lofti !!!
Drangajökull 2023, Lítið er orðið eftir af skriðjöklum Drangajökuls, til að mynda í Kaldalóni, og fannir í kringum jökulinn hafa rýrnað mikið. Þetta sýna nýjar gervitunglamyndir. Dósent í jarðvísindum segir alltaf vera breytileika á milli ára en haldi þróun áfram eins og spár geri ráð fyrir, geti jökullinn minnkað mjög mikið á næstu 30 árum.
