Íslenski ferðavefurinn

  • endursetja

Brúarhlöð

Brúarhlöð eru þröngt og grunnt gljúfur, sem Hvítá rennur um sunnan Tungufells í Hrunamannahreppi.  Vegna þrengslanna er áin mjög djúp, a.m.k. 10 m undir brúnni. Jarðefnið, sem áin hefur grafið sig niður í, heitir þursaberg (breccia). Það er móberg, blandað fremur litlum, köntuðum blágrýtissteinum. Á einum stað stendur sérkennilegur, stakur klettur úti í ánni.

Árin 1929 og 1930 ruddi áin fyrstu tveimur brúnum burt. Núverandi brú var smíðuð 1959. Talið er að dýpt árinnar í flóðunum hafi verið nálægt 21 metra en það er líklega mesta dýpi nokkurs straumvatns hérlendis. Umhverfið er mjög hlýlegt og nokkuð vel gróið og vel þess virði að doka þar við um stund.

Í ágúst 2002 steyptist fólksbíll í ána við brúna og hvarf í dýpið. Einn ungur maður drukknaði en bílstjórinn komst lífs af og gerði vart við sig að Gígjarhóli. Leit að bílnum bar lítinn árangur fyrst í stað en hann fannst eftir 20. ágúst.

Myndasafn

Í grend

Flúðir
Flúðir er þéttbýliskjarni miðsvæðis í Hrunamannahreppi og þykir þar notalegt og fagurt. Litla-Laxá rennur í gegnum þorpið og mikill jar ...
Geysir
Þessi frægasti og fyrrum stærsti goshver heims er talinn hafa myndazt við mikla jarðskjálftahrinu í lok 13. aldar. Oddaverjaannáll segir um á ...
Gullfoss
Gullfoss í Hvítá Gullfoss er í Hvítá, þar sem hann fellur í tveimur þrepum niður í Hvítárgljúfur, sem eru allt að 70 m      djúp. ...
Reykholt
Saga staðarins hófst, þegar jarðhiti uppgötvaðist á fyrri hluta aldarinnar í landi Stóra-Fljóts. Barnaskóli með heimavist var reistur 1928 ...

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )