Íslenski ferðavefurinn

  • endursetja

Bárðargata

Goðafoss

Bárðargata er nafn á leið um Vonarskarð frá Bárðardal suður í Fljótshverfi. Bárður Heyangurs-Bjarnason nam Bárðardal frá Kálfborgará og Eyjardalsá og byggði sér bæ að Lundarbrekku, þar sem hann bjó um stund. Hann varð þess var, að sunnanáttir voru hlýrri og þurrari en norðanáttir. Því ætlaði hann að betri lönd væru sunnanlands.

Hann sendi syni sína suður á góunni til að athuga þetta betur. Þeir fundu ýmsan gróður á leiðinni á þessum kaldasta árstíma. Þarnæsta vor, að loknum undirbúningi, lét hann hvert húsdýra sinna bera byrðar suður yfir og nam allt Fljótshverfi og byggði bæ að Gnúpum. Hét hann síðan Gnúpa-Bárður.

Þetta er ein fyrsta frásögnin af landkönnun fornmanna. Þessi leið er u.þ.b. 250 km löng og liggur hæst í 1000 m.y.s. Á henni eru fimm fremur stórar ár, Skjálfandafljót, Kaldakvísl, Tungnaá, Skaftá og Hverfisfljót. Sigurjón Rist, vatnamælingamaður, sagði um þessar ár: „Á vetrardegi verður ferðamaðurinn þeirra ekki var. Þau eru þá undir ís við jökuljaðar.“

Leið Bárðar týndist, svo að enginn veit nákvæmlega, hvaða leið hann fór. Líklega fór hann suður með Skjálfandafljóti austanverðu, um Vonarskarð og Síðumannaafrétt. Vonarskarð var líka lengi týnt en árið 1794 fór Pétur Brynjólfsson frá Fljótsdalshéraði um Vatnajökulsveg og sá til skarðsins á leiðinni. Hann hélt, að það væri einungis dæld í jökulinn.

Sveinn Pálsson sá til þess sama ár, þegar hann gekk á Snæfell, og varð ljóst, að það skildi milli Tungnafellsjökuls og Vatnajökuls. Björn Gunnlaugsson og Sigurður Gunnarson fóru um Vonarskarð 1839.

Myndasafn

Í grend

Bárðardalur
Bárðardalur er milli Fljótsheiðar í austri, Fnjóskadals í vestri og Aðaldals í norðri. Hann teygist suður að mörkum Sprengisands og Ódáðahrauns og er …
Hvervisfjót
Hverfisfljót er jökulá sem á upptök sín í Síðujökli í Vatnajökli. Hverfisfljót rennur rennur í jaðri Eldhrauns, einu af heims undrum Íslands, um Bruna…
Mjóidalur
Mjóidalur teygist suður frá Bárðardal, langur og mjór, alla leið suður að Kiðagilsdrögum vestanverðum. Vegalengdin frá Mýri í Bárðardal að Ytrimosum á…
Sögustaðir Hálendinu
Ýmsir staðir tengdir sögu landshlutans Sögustaðir. Nýjar og gamlar Hálendisleiðir, útilegumenn, þjófar og draugar eru meðal þess sem finna má á sö…
Sögustaðir Norðurland
Ýmsir staðir tengdir sögu landshlutans Ábæjarkirkja Aðaldalur Akureyrarflugvöllur Akureyri Innbærinn Árbæjarkirkja Skaga…
Sögustaðir Suðurland
Ýmsir staðir tengdir sögu landshlutans Álfaskeið Álftaver Almenningar Alviðra Arnarbæli Áshildarmýri Ásólf…
Sprengisandur
Sprengir er talinn vera suðvestan Fjórðungsvatns og vera staður, þar sem hestar sprungu á reiðinni, þegar fólk reið eins hratt og það gat til að komas…

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )