Íslenski ferðavefurinn

  • endursetja

Reykholt í Reykholtsdal

Reykholt

Sögustaðurinn Reykholt

Reykholt í Reykholtsdal er einhver merkasti sögustaður landsins, ekki sízt vegna búsetu Snorra Sturlusonar. Margir telja han merkasta skáld, rithöfund og fræðimann, sem Ísland hefur alið, en Snorri bjó í Reykholti á árunum 1206-1241. Reykholt hefur verið skólasetur áratugum saman, en einungis hótel síðan 1998, og þykir merkur kirkjustaður. Náttúrufegurð er þar mikil og jarðhiti þar eins og víðar í Reykholtsdal, sem er stærsta lághitasvæði landsins.

Margt er að skoða í Reykholti, þ.á.m. hina fornu Snorralaug, en frá henni liggja jarðgöng til bæjar, og Snorrastofa, sem ætlað er að kynna verk Snorra Sturlusonar. Fornleifarannsóknir hafa verið stundaðar á staðnum, síðast 1998 og 1999 (þar áður 1986 og 1987) og margt merkilegt komið í ljós.

Í nágrenni Reykholts er Deildartunguhver, sem talinn er vatnsmesti hver í heimi. Tiltölulega stutt er að aka frá Reykholti til Húsafells og í Húsafellsskóg. Á þeirri leið eru Hraunfossar / Barnafoss, sem þykja einstök náttúrsmíð. Vegalengdin frá Reykjavík er 84 km.

Í Reykholti er þjónusta og upplýsingar um sögu staðarins.

Myndasafn

Í grennd

Borgarnes
Borgarnes Borgarnes og nokkur sveitarfélög í Mýrarsýslu sameinuðust fyrir nokkru undir nafninu Borgarbyggð. Borgarnes er í landi Borgar á Mýrum og hé…
Húsafell
Húsafell er vinsæll sumarleyfisstaður meðal Íslendinga. Þar eru fjölmargir sumarbústaðir og hægt er að leigja sér bústað eða tjalda í skóginum. Þarna …
Sögustaðir Vesturlandi
Ýmsir staðir tengdir sögu landshlutans Borgarfjörður Snæfellsnes Dalir Landshlutar Ferðavísir…

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )