Leirárkirkja er í Saurbæjarprestakalli í Borgarfjarðarprófastsdæmi. Leirá er fornt höfuðból, kirkjustaður 
fyrrum prestssetur í Leirársveit við Leirá, sem er góð laxveiðiá. Kirkjan, sem er á staðnum, var byggð árið 1914. Hún er úr steinsteypu með klæddum veggjum að innan, hvelfdu lofti og viðarklæðningu á kórgafli. Viðgerðir fóru fram á árunum 1973-1976. Ný forkirkja var byggð og húsið klætt að utan.
Meðal góðra gripa kirkjunnar má nefna silfurkaleik og patínu, sem Sigurður Þorsteinsson, gullsmiður í Kaupmannahöfn, smíðaði og Magnús Stephensen gaf kirkjunni 1897. Nokkrir gamlir koparstjakar eru í kirkjunni og altaristaflan er eftir Eggert Guðmundsson, eftirmynd töflunnar í Fossvogskirkju. Leirá hefur verið útkirkja frá Saurbæ síðan 1883 en lá áður til Mela. Katólskar kirkjur á staðnum voru helgaðar Pétri postula.
