Skólasetrið er í landi Litlu-Lauga í Reykjadal. Héraðsskólinn starfaði fyrst veturinn 1924-25. 
Húsmæðraskóli hóf starfsemi árið 1928. Nú er rekin þar viðskiptadeild. Sumarhótel er rekið á staðnum.
Jarðhiti er nýttur til hitunar húsa og fyrrum til sundlaugarinnar í kjallara aðalbyggingar héraðsskólans. Ný útilaug við íþróttahúsið tók við af henni. Reykjadalsá, sem rennur í Laxá um Vestmannsvatn, á upptök sín á Mývatnsheiði hjá Hörgsdal og í hana rennur einnig úr Másvatni.
