Lambatungnajökull skríður austur úr Vatnajökli niður í Skyndidal í Lóni. Þórður Þorkelsson Vídalín 
(1661-1742) skrifaði ritgerð um rannsóknir sínar á þessum skriðjökli. Hún er talin eitt elzta vísindarit um jökla og kom út á þýzku árið 1754. Hún var þýdd á íslenzku til útgáfu árið 1965.
Ein upptakakvísla Jökulsár í Lóni, Skyndidalsá rennur undan jöklinum. Göngubrúin yfir hana er suðurhlið Lónsöræfa fyrir göngufólk.
