Klaustursel í Jökuldal er fremur stór jörð, sem var fyrrum sel frá Skriðuklaustri. Elzta akfæra brúin yfir 
Jöklu var byggð þar árið 1908. Upprunalega var hún smíðuð sem járnbrautarbrú í BNA. Hún var flutt í hlutum með skipi til Vopnafjarðar og þaðan á hestum að Klausturseli, þar sem hún var hnoðuð saman.
Í Klausturseli geta gestir skoðað og keypt ýmsa fagra muni í galleríinu og skoðað hreindýrin í túninu.
