Suðvestan Grundarfjarðar er allmikill fjallabálkur (988m), sem heitir Helgrindur. Þær eru hrikalegar og 
svipmiklar, enda einn meginhluti Snæfellsnesfjallgarðs. Efst á þeim er sísnævi og af þeim stendur oft mikið misvindi og magnaðir vindstrókar niður í Grundarfjörð í illviðrum. Steingrímur Thorsteinsson, skáld, ólst upp á Arnarstapa. Hann orti kvæðið „Miðsumar”, þar sem segir líklega um
Helgrindur:
Oft finnst oss vort land eins og helgrinda hjarn,
en hart er það aðeins sem móðir við barn.
Það agar oss strangt með sín ísköldu él,
en á samt til blíðu, það meinar allt vel.
