Íslenski ferðavefurinn

  • endursetja

Dalakofinn, Útivist

Dalakofinn

Dalakofinn að Fjallabaki

Dalakofinn er rétt norðan Laufafells í nágrenni Reykjadala að Fjallabaki og er sérlega vel staðsettur í   þessari stórkostlegu náttúru. Eigendur Dalakofans er Stolzenwald fjölskyldan, en Rúdolf Stolzenwald sem upphaflega byggði skálann árið 1971 var frumkvöðull í hálendisferðum og ferðaðist mikið á vélsleðum og jeppum um þetta svæði. Útivist og börn Rúdolfs sem öll eru félagsmenn í Útivist gerðu með sér samkomulag um endurbyggingu skálans og lauk þeirri endurgerð 2010.

Fyrir voru tveir A-skálar en Útivist byggði tengibygging á milli þeirra. Í gömlu skálunum eru svefnrými fyrir 18 manns í hvorum hluta en í tengibyggingunni er rúmgott eldhús og borðsalur ásamt salerni sem er virkt yfir sumartímann og góðri forstofu.
Dalakofinn er sérlega vel staðsettur fyrir hvers konar ferðalög um Fjallabak. Frá honum er hægt að fara í lengri og styttri gönguferðir um fjölbreytt jarðhitasvæði og hæfileg dagsganga er þaðan í fjölda skála á svæðinu. Þá hentar staðsetning Dalakofans sérlega vel til vetrarferða. Frá Keldum er jafnan gott að komast í skálann og hvergi þarf að fara yfir ár. Þegar þangað er komið er hins vegar stutt í mjög skemmtilegt ferðasvæði um Reykjadali, Krakatindaleið og Hrafntinnusker svo eitthvað sé nefnt.

GPS Staðsetning skálans er N 63°57.048‘ W 19°21.584‘
Book online:

 

Myndasafn

Í grennd

Fjallabak nyðra Landmannaleið
Skaftfellingar nefna þessa leið Fjallabaksveg og telja það eldra og réttara. Hún liggur á milli Landsveitar og Skaftártungu norðan Heklu og Torfajökul…
Fjallabak Syðra Miðvegur
Þessi leið tengir Rangárvelli og Skaftártungu. Hún hefst við Keldur á Rangárvöllum, sé ekið til austurs. Þaðan er haldið upp með Eystri-Rangá um Laufa…
Friðland að Fjallabaki
Friðland að Fjallabaki Þetta friðland var stofnað 1979. Það nær yfir 47 km² lands og er ofar 500 m hæð yfir sjó. Svæðið er fjöllótt og eldvirkt og þa…
Tindfjallajökull
Tindfjallajökull (1251m) er u.þ.b. 19 km² upp af innanverðri Fljótshlíð. Nafnið er réttnefni vegna margra tinda, sem standa upp úr jöklinum. Ýmir (146…
Tindfjallasel, Útivist
TINDFJALLASEL Útivist hefur í samvinnu við Flugbjörgunarsveitina í Reykjavík tekið nýjan skála í notkun í Tindfjöllum sem nefnist Tindfjallasel. Þett…

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )