Íslenski ferðavefurinn

  • endursetja

Almenningar Þórsmörk

Almenningar eru uppblásinn og víða örfoka afréttur Vestur-Eyfellinga. Þeir ná frá Þröngá í suðri að  – Emstruá í norðri og Markarfljóti í vestri að Merkurjökli í austri. Jökulsáin Ljósá, sem rennur til Markarfljóts, skiptir þeim í tvennt, framafrétt og innafrétt. Framafrétturinn er mishæðóttur og frammjór háls frá jökli að Markarfljóti. Næst jöklinum heitir hann Lakar. Gráfell er vestantil á afréttinum og austan við það er Þvergil, sem sker hann í sundur. Suðvestan fellsins er síminnkandi skógarspilda, sem kallast Kápa. Talið er, að Steinfinnsstaðir hafi verið á þessum slóðum.

Farvegur Þröngár ber nafnið með rentu. Nokkur rauð eldvörp eru áberandi innan Ljósár. Frá þeim runnu talsverð hraun eftir ísöld. Þetta gígasvæði er kallað Fauskheiði eða Fauskatorfur. Þar var hellir, sem gangnamenn hírðust stundum í og kölluðu hann Almenningsból. Bjórgil og Slyppugil eru innarlega á afréttinum og innan við þau er Langháls, sem liggur þvert yfir afréttinn.

Syðri-Emstruáin er skammt norðan Langháls og yfir hana liggur göngubrúin á Laugavegsleiðinni.

Myndasafn

Í grend

Gönguleiðir í Þórsmörk
Valahnúkur (458m) er vestan við mynni Langadals, þar sem Skagfjörðsskáli Ferðafélags Íslands stendur. Gangan upp er létt og útsýnið ofan ...
Þórsmörk
Þórsmörk er ein af fegurstu náttúruperlum landsins, umlukin fögrum fjöllum, jöklum og jökulám. Hér með sanni segja að sjón sé sögu rí ...

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )