Háagerðisvöllur
Sími: 898-3574
9 holur, par 36.
Hágerðisvöllur er aðeins í þriggja mínútna akstursfjarlægð frá Kántrýbæ og Söluskála OLÍS á Skagaströnd.
Golfklúbbur Vindhælishrepps hins forna var svo stofnaður formlega 27. nóv. 1985.
Upphaflegt nafn golfklúbbsins, sem hér á sér sögulegar rætur, virtist ekki falla öllum í geð. Það var því á næsta aðalfundi, í maí 1986, að nafninu var breytt í Golfklúbbur Skagastrandar.
Sumarið 1986 eignaðist klúbburinn fyrsta landsvæðið og var þar gerður 6 holu völlur. Árið 1990 losnaði landið, sem klúbburinn hafði lengi haft augastað á og það var keypt. Golfskáli kom árið 1991 og gamalli hlöðu var breytt í áhaldageymslu árið 1994.
Síðan 1991 hafa hlutirnir gerst hratt. Uppbygging vallarins hefur gengið vel, m.a með mikill sjálfboðavinnu og góðum stuðningi sveitarfélagsins og fyrirtækja. Landsvæðið er allt á ræktuðu túni og því á margan hátt heppilegt til vallargerðar. Hágerðisvöllur er fjölbreyttur, klettahæðir og mishæðótt landslag skapa alls konar brautir og þar með skemmtilega vallarmynd.
