Seley er klettaeyja, sem liggur u.þ.b. 4,6 km utan mynnis Reyðarfjarðar. Hún er lág (21m) og þakin 
gróðri. Norðan og sunnan hennar eru nokkur sker. Eyjan var í eigu Hólma og æðarvarp var þar mikið. Enginn hefur búið að staðaldri í Seley en þar voru fyrrum verbúðir sjómanna, sem stunduðu aðallega hákarla-, lúðu- og skötuveiðar.
Eins og víða annar staðar í verum fyrri tíma voru þar aflraunasteinar, sem sjómenn reyndu afl sitt á í landlegum. Þeir voru kallaðir Hrúturinn, Ærin og Lambið Ásmundur Helgason gerði þessu tímabili góð skil í bókinni „Á sjó og landi”.
Í Tyrkjaráninu 1627 komust 13 Reyðfirðingar undan sjóræningjunum með því að fela sig í Seley segja munnmæli.
