Þingeyrar voru meðal beztu jarða landsins, mikil laxveiðijörð og þaðan var líka stunduð mikil selveiði. Þar mun Húnavatnsþing hafa verið haldið fyrrum, þótt engar minjar hafi fundizt um það enn þá. Þess er ekki getið eftir að Þingeyrarklaustur, fyrsta klaustur landsins, var stofnað þar 1133 og þar hefur staðið kirkja æ síðan.
Núverandi kirkja er meðal merkustu kirkna landsins. Ásgeir Einarsson, alþingismaður, sem sat jörðina, byggði hana á árunum 1864-1877. Hún kostaði alls kr. 16.000.- og Ásgeir lagði kr. 10.000.- til hennar sjálfur. Grjótið í kirkjuna var sótt vestur í Nesbjörg, handan Hóps, og dregið á sleðum yfir það á ís á vetrum. Staðurinn var eitt mesta menningarsetur landsins eftir stofnun klaustursins. Þar voru m.a. skrifuð ýmis fornrit, sem hafa varðveitzt.
Svarti dauði lagði staðinn næstum í eyði eftir aldamótin 1400, aðeins einn munkur varð eftir.
Jón Eyþórsson, veðurfræðingur (1895-1968) fæddist að Þingeyrum og liggur þar grafinn.Talið er að Svarti dauði hafi borirst til ísland frá Maríuhöfn í Hvalfirði.
Svartidauði barst þangað með klæðum Einars Herjólfssonar árið 1402. Hann andaðist í hafi og klæðin voru afhent ættingjum hans.
