Skordýrafána landsins er fremur fábrotin, sé miðað við suðlægari lönd. Hérlendis hafa u.þ.b. 1300 tegundir verið greindar, þar af tæplega 1100 landlægar. Annars staðar í Evrópu er algengt að finna 18-25 þúsund tegundir í sama landinu. Langflest skordýr, sem finnast á Íslandi, eru af evrópskum uppruna, aðeins örfá amerísk. Tegundirnar, sem hér finnast, eru aðallega af 22 ættbálkum og hér verður aðeins minnst á hinar algengustu.
