Reykjarfjarðará er í Árneshreppi, Strandasýslu. Lítið vatnsfall og er skammt að komin úr hálendinu fyrir ofan, fer svo eftir Reykjarfjarðardalnum til sjávar í botni Reykjafarðar. Dalurinn gróinn og stórbrotin fjallasýn og mjög fagurt meðfram ánni. Reykjarfjarðarfjall gnæfir yfir að norðan, en allmikið lægra að sunnan. Þjóðvegur liggur yfir ána neðanverða og áfram til Gjögurs og fyrir Reykjanes til Ingólfsfjarðar.
Ágæt veiði hefur verið í Reykjafjarðará en veiðin er allvæn sjóbleikja. Vegalengdin frá Reykjavík er um 355 km og u.þ.b. 85 km frá Hólmavík og örskammt frá Hótel Djúpavík.
Það er ekki seld nein veiðileyfi og öll veiði bönnuð samkvæmt uppýsingum frá landeigendum!!!!
