Ljárskógavötn á Hólmavatnsheiði í Laxárdalshreppi í Dölum eru: Krossaxlarvatn, Fremstavatn, Miðvatn 
og Neðstavatn. Neðstavatn er í 142 m hæð yfir sjó og 0,48 km². Miðvatn er í 165 m hæð yfir sjó og 0,36 km².
Fremstavatn er minnst. Skammt er á milli vatnanna, sem Þverá tengir og rennur síðast úr Neðstavatni í Fáskrúð. Veiðin er urriði og bleikja og fiskurinn er vænn. Fremur lítið er veitt á stöng í vötnunum. Fjöldi stanga er ekki takmarkaður. Vegalengdin frá Reykjavík er u.þ.b. 166 km um Hvalfjarðargöng og 29 km frá Búðardal.
