Hraunsvatn er í botni Vatnsdals milli Þverbrekkufjalls og Háafjalls í Öxnadal. Með öðrum orðum fyrir 
neðan Hraundranga. Flatarmál þess er 0,73 km², víða 10-12 m djúpt og það er í 492 m hæð yfir sjó. Veiðileyfi gilda í allt vatnið og fjöldi þeirra er ekki takmarkaður. Veiðin er vatnableikja og er mjög misjöfn.
Stærðin er allt frá smælki upp í 6 pund. Gangan upp að vatninu er 2,5 km og tekur ½ – 1 klst.
Fyrrum var dorgað í gegnum ís á vatninu.
Vegalengdin frá Reykjavík er 399 km og 37 km frá Akureyri.
Skáldið Jónas Hallgrímsson ólst upp á bænum Hrauni í Öxnadal. Faðir hans var prestur þar, en hann drukknaði í Hraunsvatni, þegar Jónas var barn.
