Hestur er bær í Andakíl í Borgarfirði. Þar var kirkja (aflögð 1765) og prestsetur Hestþinga til 1944 (flutt 
Staðarhóli, hjáleigu frá Hvanneyri).
Tryggvi Þórhallsson (1889-1935), þingmaður, forsætisráðherra, formaður Búnaðarfélags Íslands og bankastjóri Búnaðarbankans, bjó um hríð að Hesti. Hann var einnig ritstjóri Tímans um tíma og var einn stofnenda Framsóknarflokksins (síðar Bændaflokksins).
Séra Eiríkur Albertsson (1887-1972) var síðasti prestur að Hesti. Hann var einnig skólastjóri alþýðuskólans á Hvítárbakka um tíma og stofnaði síðan slíkan skóla að Hesti (1923-26). Búnaðarfélag Íslands á Hest og rekur þar tilraunabú í sauðfjárrækt (1943) í tengslum við Landbúnaðarskólann á Hvanneyri. Milli Hests og Skorradals er Hestháls, Hestfjall (221m) og Skorradalsháls.
