Hellnakirkja er í Staðarprestakalli í Snæfells- og Dalaprófastsdæmi. Á Hellnum var sett kirkja 1880, 
Einarslóns- og Laugarbrekkusóknir höfðu verið sameinaðar. Nú er þar útkirkja frá Staðarstað, allar götur síðan 1917.
Kirkjan, sem nú stendur, var vígð 12. ágúst 1945. Hún er steinsteypt og var í byggingu á árunum 1943-1945. Altaristaflan sýnir Jesús og lærisveinana í Emmaus. Umgerð hennar er eftir Jóhannes Helgason (1887-1920, myndskera í Gíslabæ á Hellnum. Hann var mikið listamannsefni og allt stefndi að því, að Alþingi styrkti hann til náms erlendis. Úr því varð þó ekki, því hann dó sviplega, varð úti á leið til Hellissands. Tveir forláta koparhringir eru á kirkjuhurð og sáluhliði, gjafir frá séra Ásgrími Vigfússyni og Sigríði Ásgeirsdóttur, konu hans.
