Hamarsá er í Geithellnahreppi í Suður-Múlasýslu. Hamarsá á upptök sín við Þrándarjökull og í drögum 
Hamarsdals. Hún rennur eftir endilöngum Hamarsdal,og dragast til hennar smáár og lækir uns hún fellur í Hamarsfjörð, sem er ásamt Álftafirði aðeins lón, innan við langt sjávarrif.
Veiðin er sjógengin bleikja, mjög misjöfn að stærð og veiðast oft stórir fiskar innanum. Lax hefur fengist í Hamarsá. Veiðistaðirnir eru margir og veiðilegir, en þar sem Hamarsá er ekki fiskgeng nema um 6 km. frá ósnum, er skammt að fara til veiða. Vegalengdin frá Reykjavík er u.þ.b. 560 km og um 12 km frá Djúpivogi.
