Íslenski ferðavefurinn

  • endursetja

Brúardalir

Brúardalir eru á Brúaröræfum inn af Brú, efsta bæ á Jökuldal. Þessir dalir eru Laugarvalladalur, Sauðárdalur, framhald hans, Vesturdalur og Fagridalur auk nokkurra minni dalverpa. Bærinn Laugarvellir var á Laugarvalladal, þar sem er jarðhiti, baðlaug og sæluhús. Leiðir á þessar slóðir liggja frá Brú, Möðrudal og frá Jökuldalsheiði.

Frá Brúardölum er örskammt að fara að Hafrahvamma- og Dimmugljúfrum í grennd við Kárahnjúka, þar sem hægt er að aka yfir Jöklu á stíflu Hálslóns. Sagnir eru til um mikla byggð inn með Jöklu, þannig að bærinn Brú var í miðri sveit.

Samkvæmt sögnunum var kirkjustaður á Bakkastað nokkru innan Brúar, þar sem rústir sjást enn þá. Bakkastaður eyddist, þegar sóknarfólkið dansaði og lét öllum illum látum í kirkjugarðinum á sjálfa jólanótt. Það sökk allt í jörð niður, líkt og í þjóðsögunni um dansinn í Hruna. Auk Bakkastaðar eru tilgreindir bæirnir Hóll inni undir jökli, tveir bæir með nafninu Hringbotnar og Fossnes. Talið var að ýmislegt óhreint væri á sveimi í Brúardölum og reimleikar miklir.

Myndasafn

Í grend

Laugarvalladalur
Aldamótaárið 1900 byggðu ung hjón sé bæ í Laugarvalladal, hjáleigu frá Brú. Staðurinn lofaði góðu, því að hann var vel gróinn og sl ...
Sögustaðir Austurlandi
Ýmsir staðir tengdir sögu landsins Aðalból ...
Sögustaðir Hálendinu
Ýmsir staðir tengdir sögu landshlutans Nýjar og gamlar Hálendisleiðir, útilegumenn, þjófar og draugar. Álftavatn Arnardalur ...

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )