Rannsóknasetur á Breiðdalsvík
Í húsnæði setursins er sýning um jarðfræði Íslands og birtingarmyndir hennar á Austurlandi. Einnig getur þar að líta upplýsingar um fræðimennina George Walker og Stefán Einarsson og muni úr þeirra fórum.
George Walker var einn fremsti eldfjallafræðingur 20. aldarinnar. Hann vann brautryðjendarannsóknir á jarðsögu Íslands á Austurlandi, kortlagði meðal annars hina fornu Breiðdalseldstöð og renndi stoðum undir flekakenninguna. Breiðdælingurinn Stefán Einarsson var prófessor í málvísindum við Johns Hopkins-háskóla í Baltimore í Bandaríkjunum. Hann var afkastamikill og fjölhæfur fræðimaður, einkum á sviði hljóðfræði og bókmenntafræði, og sennilega hefur enginn fyrr og síðar kynnt Ísland og íslenskar bókmenntir jafn ítarlega fyrir enskumælandi heimi.
Safnahluti setursins er opinn sem hér segir yfir sumarmánuðina (20. júní til 31. ágúst):
Sunnudaga til fimmtudaga frá kl.12.00-16.00 Lokað er á föstu- og laugardögum.
Safnahluti setursins er opinn sem hér segir yfir vetrarmánuðina (1.september til 31. maí):
Þriðjudaga, miðvikudaga og fimmtudaga frá kl. 14:00-16:00.
Aðgangur ókeypis.
Hópar geta bókað heimsóknir á öðrum tímum eftir samkomulagi. Hafið samband á netfangið mariahg@hi.is.
Heimild: Visit Austurland
