Borgarhöfn er þyrping nokkurra bæja í Suðursveit. Bændur þar stunduðu allmikla sjósókn á árum áður 
og sagnir segja frá Norðlendingum, sem komu suður yfir Vatnajökul til róðra.
Hinn 9. marz 1573 varð mikið sjóslys fyrir ströndinni hjá Hálsaósi, þegar 17 bátar fórust u.þ.b. 100 manns týndu lífi á sama degi (53 skv. Biskupsannálum). Upp frá því lagðist sjósókn niður frá þessu svæði. Mesta útræðið var frá Hálsósi, þar sem eru rústir svokallaðrar Eyfirðingabúðar við enda Hestgerðiskambs, í grennd við þjóðveginn.
Sjá nánar í Saga Íslands I, Sigurður Þórarinsson.
