Ásólfsskáli er bær og kirkjustaður undir Vestur-Eyjafjöllum. Landnámabók segir frá írskum, kristnum manni, Ásólfi alskik að nafni. Hann kom og reisti sér skála á staðnum. Fiskgengd var mikil í læknum, sem rann við skálann.
Landnámsmaðurinn Þorgeir hinn hörski Bárðarson rak Ásólf á brott og sagði hann sitja að veiðistöð sinni. Þá byggði Ásó
lfur annan skála nokkuð vestar, þar sem er Mið-Ásólfsskáli. Þá varð Miðskálaá full af fiski og Ásólfur var enn gerður brottrækur. Hann byggði enn skála, þar sem heitir Yztiskáli, og þá kom fiskgengd í Írá. Þetta kostaði hann algeran brottrekstur úr héraði og hann gerðist helgimaður á Ytra-Hólmi á Akranesi.
Írárfoss í Írá er mjög fallegur og blasir við frá þjóðveginum. Ofar í ánni er annar fallegur foss, Hestafoss.
