Arnarvatn litla er á Arnarvatnsheiði í Mýrarsýslu. Það er 2,15 km², fremur grunnt og í 440 m hæð yfir sjó. Í það rennur Krummavatnslækur úr Arfavötnum að norðan. Útfallið til næstu vatna er til suðurs.
Stór og góður silungur er í vatninu, bæði bleikja og urriði. Netaveiði hefur verið stunduð í vatninu til að halda stofninum í skefjum. Arnarvatn litla er nokkuð miðsvæðið í veiðivatnaklasa heiðarinnar. Nokkru austan við það, í Álftakróki, er leitarmannaskáli. Sæmilega jeppafært er að vatninu.
